Peter Whittingham er nafn sem glöggir knattspyrnuaðdáendur kannast við en hann er fyrrum leikmaður Cardiff og Aston Villa.

Whittingham lagði skóna á hilluna hjá Blackburn árið 2018 en hann spilaði yfir 400 deildarleiki fyrir Cardiff frá 2007 til 2017.

Hann berst nú fyrir lífi sínu á sjúkrahúsi en það eru enskir miðlar sem greina frá þessu í kvöld.

Whittingham hlaut alvarlegt höfuðhögg þann 7. mars síðastliðinn og hefur verið á spítala síðan þá.

Whittingham er 35 ára gamall en staða hans er mjög alvarleg og er óvíst hvort hann nái fullum bata – hvað átti sér stað nákvæmlega er óvíst.

Eiginkona Wittingham er ófrísk en hún er ásamt eiginmanni sínum á sjúkrahúsi.