Vincenzo Spadafora, íþróttaráðherra Ítalíu, hefur staðfest það að félög á Ítalíu vilji byrja að spila aftur 3. maí.

Eins og flestir vita þá eru allar stærstu deildir í Evrópu í pásu þessa stundina vegna kórónaveirunnar.

Ástandið er sem verst á Ítalíu en yfir 2500 manns hafa látist vegna veirunnar og 31 þúsund manns smitast.

,,Serie A getur byrjað aftur 3. maí, það er það sem við vonumst eftir. Við skoðum hvort það verði hægt fyrir framan áhorfendur eða ekki,“ sagði Spadadora.

,,Meistaradeildin og Evrópupudeildin bætist svo við og við komum þeim fyrir í nýju dagskránni.“