Leonardo, yfirmaður knattspyrnumála Paris Saint-Germain, hefur tjáð sig um ummæli Zinedine Zidane í vikunni.
Zidane tjáði sig um ungstirnið Kylian Mbappe og sagðist vera ‘ástfanginn’ af leikmanninum.
Leonardo vill halda Mbappe en hann er reglulega orðaður við spænska liðið.
,,Sagði hann þetta? Ég hafði ekki séð það. Það eina sem ég veit er að Mbappe verður 100 prósent áfram hérna,“ sagði Leonardo.
,,Við erum hægt og rólega að ræða nýjan samning en við erum að taka skref fram á við.“
