,,Ítalía hefur alltaf gefið mér mikið, á þessum örlagaríku tímum vil ég gefa meira til baka, til landsins sem ég elska,“ segir Zlatan Ibrahimovic, sænski framherji AC Milan.
Zlatan hefur sett af stað söfnun til að styrkja spítala á Ítalíu vegna kórónuveirunnar. Hann stefnir á að safna 150 milljónum. Sjálfur leggur hann til 15 milljónir.
Zlatan skorar á aðra knattspyrnumenn að koma í lið með sér. ,,Þetta er alvarlegt vandamál og við verðum að hjálpa.“
Eins og Zlatan er einum lagið, þá sló hann á létta strengi í lokinn. ,,Munið eitt, ef veiran kemur ekki til Zlatan, þá fer Zlatan á eftir veirunni.“
