Ashley Young, bakvörður Inter MIlan hefur heillað alla á Ítalíu frá því að hann kom til félagsins frá Manchester United í janúar.
Young fékk fyrst um sinn aðeins sex mánaða samning en Inter hefur nú virkjað ákvæði í samningi hans.
Young sem er 34 ára gamall verður hið minnsta ár í viðbót hjá Inter. Hann hefur skorað eitt mark og lagt upp tvö í fimm leikjum í Seriu A.
Óvíst er hvenær Young leikur næst með Inter enda deildin á Ítalíu í pásu vegna kórónuveirunnar.
Inter er að berjast á toppi deildarinnar við Juventus og Lazio en vonast er til að hægt verði að hefja mótið aftur í maí.
