Georginio Wijnaldum, leikmaður Liverpool, segist vera fullkomnari leikmaður í dag en hann var áður hjá PSV og Newcastle.
Wijnaldum hefur fengið nýtt hlutverk undir Jurgen Klopp hjá Liverpool og er varnarsinnaðri en áður.
,,Þróun mín síðan ég kom til Liverpool hefur verið frábær. Ég er meiri alhliða leikmaður,“ sagði Wijnaldum.
,,Ég spilaði í mjög sóknarsinnuðu hlutverki og var aðeins að sækja. Á HM árið 2014 þá var ég meira í að stjórna miðjunni og það gekk vel. Eftir það spilaði ég ekki eins hlutverk hjá PSV eða Newcastle.“
,,Ég talaði við Jurgen Klopp og hann sá mig í varnarsinnaðra hlutverki. Hann vildi sjá mig sinna fleiri verkum.“
,,Það er ekki alltaf auðvelt því ég er vanur að sækja en þetta hefur hjálpað mér. Ég er fullkomnari leikmaður í dag en þegar ég kom.“
