Kieran Trippier, leikmaður Atletico Madrid, myndi bara snúa aftur til Englands fyrir eitt félag.
Trippier greinir sjálfur frá þessu en hann myndi vilja spila fyrir Burnley aftur en ekki Tottenham.
,,Ég myndi elska að enda ferilinn þar. Það er mitt markmið, að hætta hjá Burnley,“ sagði Trippier.
,,Samband mitt og Sean Dyche er frábært. Ég vil spila í hæsta gæðaflokki eins lengi og ég get.“
,,Ég mun finna hvenær rétti tíminn kemur. Ef ég er hjá Atletico í tvö ár til viðbótar þá verð ég orðinn 32 ára gamall og Burnley er eina félagið sem ég myndi snúa aftur til á Englandi.“
