Alex Iwobi, leikmaður Everton, segir að það sé nánast enginn munur á Arsene Wenger og Carlo Ancelotti.
Iwobi vann með Wenger hjá Arsenal á sínum tíma en er í dag með Ancelotti á Goodison Park.
,,Þeir eru næstum sami maðurinn þegar ég hugsa út í það,“ sagði Iwobi við Echo.
,,Þeir eru báðir mjög þolinmóðir og tjá sig ekki of mikið. Þegar þeir tjá sig þá er mikil viska í því. Þeir eru næstum eins.“
,,Þeir vilja báðir spila góðan fótbolta. Það er eins og ég sé að vinna með sama manninum.“
