UEFA hefur ákveðið að umspilið þar sem Ísland mætir Rúmeníu fari fram í júní. Þetta kemur fram á Fótbolta.net.
Leikurinn við Rúmeníu átti að fara fram í næstu viku, vegna kórónuveirunnar hefur EM verið frestað til næsta árs.
Mótið átti að fara fram í sumar en fer ekki fram fyrr en sumarið 2021. UEFA ætlar með þessu að reyna að hjálpa stærstu deildum Evrópu að klára mót sitt.
Ekki kemur fram dagsetning á leiknum en vináttuleikir sem Ísland átti að leika á þessum tíma fara ekki fram.