Daniele Rugani, leikmaður Juventus, segist vera heppinn að hafa greinst með kórónaveiruna fyrr í mánuðinum.
Rugani var fyrsti leikmaðurinn í Serie A til að fá veiruna en fleiri leikmenn hafa smitast síðustu daga.
Rugani telur að smitið hafi hjálpað í að vekja athygli á veirunni og að fólk þurfi að taka henni alvarlega.
,,Ég vil sannfæra alla um að ég sé í lagi. Mér hefur alltaf liðið fínt. Ég hef ekki fengið þessi alvarlegu einkenni,“ sagði Rugani.
,,Ég tel sjálfan mig vera heppinn því þó að þetta hafi verið skellur að vera fyrsti í okkar umhverfi til að smitast en þetta hjálpaði að vekja athygli á þessu.„
