Ole Gunnar Solskjær, virðist á ágætri leið með að koma Manchester United á rétta braut. Eftir erfið ár hefur Solskjær fengið það hlutverk að hreinsa til og byggja upp á nýjan leik.
Hann hefur fengið fimm leikmenn til félagsins og flestir hafa stryrkt liðið.
Manchester Evening News hefur tekið saman kaup hans og raðað þeim niður, eftir því hversu vel heppnuð þau eru.
5. Daniel James
Var 21 árs þegar United keypti hann úr slöku Swansea liði, það er sennilega harkalegt að setja hann í síðasta sætið. Það sannar hins vegar hversu vel Solskjær hefur gert á markaðnum. Byrjaði vel en hefur dalað talsvert.
4. Harry Maguire
Væri hærra á listanum ef hann hefði ekki kostað svona mikið, Leicester fékk 80 milljónir punda fyrir hann. Er fyrirliði félagisns í dag og hefur verið góður, þarf að gera ögn meira til að réttlæta
3. Odion Ighalo
Engar væntingar en hefur aukið breiddina í sóknarleik liðsins. Fjögur mörk í átta leikjum sannar það, Ighalo hefur styrkt United mikið.
2. Aaron Wan-Bissaka
Flestir töldu United hafa gert góð kaup í Wan-Bissaka og hann hefur heldur betur stimplað sig inn, hefur sannað ágæti sitt i stórleikjum. Frábær varnarlega en þarf að gera ögn meira fram á við.
1. Bruno Fernandes
Hefur heldur betur breytt leik liðsins, United hefur ekki tapað leik eftir að Bruno Fernandes mætti til leiks. Hefur stimplað sig vel inn og virðist Solskjær hafa gert frábær kaup, þegar United borgaði 45 milljónir punda fyrir hann.
