Rúnar Már Sigurjónsson var á skotskónum í dag er Astana spilaði við Kaspij Aktau í Kasakstan.
Deildin er nýfarin af stað í Kasakstan en Astana er eitt sterkasta lið deildarinnar og byrjar vel.
Rúnar skoraði fyrsta mark leiksins í 3-2 sigri Astana en mark hans kom snemma leiks úr vítaspyrnu.
Astana er á toppnum eftir þrjár umferðir en liðið hefur unnið tvo leiki og gert eitt jafntefli.
