Newcastle ætlar að gefa varnarmanninum Phil Jones líflínu í efstu deild á Englandi næsta sumar.
Frá þessu greina enskir miðlar en þessi 28 ára gamli varnarmaður á ekki framtíð á Old Trafford.
Jones má fara fyrir 12 milljónir punda næsta sumar en undanfarna mánuði hefur hann verið mikið meiddur.
Hann er einnig fjórði í goggunarröðinni í Manchester á eftir Harry Maguire, Victor Lindelof og Eric Bailly.
Jones mun reyna að komast burt í sumar og gæti farið til Newcastle ef liðið heldur sér í efstu deild.
