Angelo Ogbonna, leikmaður West Ham, hefur skotið föstum skotum á stjórn ensku úrvalsdeildarinnar.

Ogbonna segir að enska knattspyrnusambandið hafi tekið alltof langan tíma til að fresta deildinni vegna kórónaveirunnar.

,,Ég er ánægður með að það sé nú búið að fresta þessu og þar á meðal minni deildunum,“ sagði Ogbonna.

,,Það er eins og þeir væru að hundsa svona stórt vandamál. Þetta er ekki bara knattspyrnan, þetta er viðhorf Englendinga.“

,,Þeir fatta ennþá ekki að það er hægt að smitast á nokkrum sekúndum ef þú tekur ekki rétt á þessu.“

,,Það er óásættanlegt að leikurinn gegn Arsenal hafi farið fram. Þeir voru að spila gegn Olympiakos og forseti þeirra er með vírusinn.“

,,Það er eins og þeir hafi verið að bíða eftir dauðsfalli áður en þeir gerðu eitthvað í þessu.“