Jose Mourinho, fyrrum stjóri Manchjester United, neitaði að borga meira en 50 milljónir punda fyrir varnarmanninn Harry Maguire.

Frá þessu greina enskir miðlar en Maguire varð dýrasti varnarmaður heims í sumar er hann gekk í raðir United.

Mourinho hafði áhuga á leikmanninum en neitaði að borga 60 milljónirnar sem Leicester City vildi fá.

Ári seinna þá var verðmiði Maguire búinn að hækka upp í 80 milljónir punda er Ole Gunnar Solskjær fékk hann til félagsins.

Þessi ákvörðun Mourinho endaði á að kosta United 20 milljónir sem er ansi mikið.

Hann sagði stjórn félagsins að það væri vandræðalegt að borga meira en 50 milljónir fyrir enska landsliðsmanninn.