Liverpool mun verða krýndur meistari í ensku úrvalsdeildinni þó að tímabilið verði flautað af.

Það er Telegraph sem greinir frá þessu en búið er að fresta keppninni til 4. apríl vegna kórónaveirunnar.

Framhaldið er þó óljóst og er ekki víst að spilað geti verið á ný um næstu mánaðarmót.

Rætt hefur verið um að ekkert lið verði krýndur meistari ef tímabilið verður fellt niður en það er ekki rétt að sögn Telegraph.

Liverpool er með öruggt 25 stiga forskot á toppi deildarinnar og væru engar líkur á að annað lið myndi ná þeim.

Það segir ekkert í reglubókinni um hvað eigi að gera í þessu tilfelli svo staðan er heldur flókin.