Pierre Emerick Aubameyang, leikmaður Arsenal, á skilið að spila fyrir betra lið að mati Ian Wright, fyrrum leikmanns liðsins.
Aubameyang er hættulegasti sóknarmaður Arsenal en hann verður samningslaus næsta sumar.
,,Ef þú ímyndar þér hann í betra liði þá væri hann að vinna deildina og keppa um sæti í úrslitum Meistaradeildarinnar og hann á það skilið,“ sagði Aubemeyang.
,,Hann lætur ekki mikið í sér heyra á vellinum og er ekki að benda og öskra en hann leiðir með mörkunum sem hann skorar.“
,,Ef þú tekur mörkin hans frá Arsenal þá væru þeir í gríðarlegum vandræðum. Arsenal þarf nokkra leikmenn til að stíga upp og hjálpa honum.“
,,Ég vona að ást hans fyrir félaginu sé nóg en ég væri ekki til í að vera í hans sporum, þetta verður erfitt val.“
