Jordan Ayew, leikmaður Crystal Palace, segist hafa verið feitur er hann samdi við félagið fyrst sumarið 2018.
Ayew kom til Palace frá Swansea á láni árið 2018 en þrátt fyrir eitt mark í 22 leikjum ákvað félagið að kaupa hann endanlega fyrir þessa leiktíð.
Ayew hefur nú þakkað traustið og hefur verið duglegur að skora fyrir liðið undanfarið.
,,Þetta tímabil hefur verið öðruvísi því þegar ég kom til félagsins þá hafði ég ekki fengið undirbúningstímabil,“ sagði Ayew.
,,Ég var feitur svo fyrsta tímabilið var erfitt en á þessu tímabili hef ég fengið fullan undirbúning og mér líður betur.“
,,Ég er rólegur og ég er að njóta mín. Allt er fullkomið fyrir mig til að ná árangri á vellinum.“
