Paul Pogba, miðjumaður Manchester United er ekki byrjaður að æfa með liðinu eins og vonast hafði verið eftir. Pogba fór í aðgerð á ökkla í upphafi árs og hefur verið miklu lengur frá en talið var í fyrstu.
Ole Gunnar Solskjær, á von á því að Pogba byrji að æfa með liðinu í næstu viku.
Verra er að Anthony Martial er meiddur og er tæpur fyrir leik liðsins gegn Tottenham á sunnudag. Fyrir er Marcus Rashford meiddur.
Frá því að Solskjær tók við United hefur hann mátt þola talsverða gagnrýni en leikur liðsins virðist vera á réttri leið.
Þannig er United þriðja besta lið Englands frá því að Solskjær tók við í desember árið 2018. Tölfræði um slíkt má sjá hér að neðan.
