Scott McTominay, leikmaður Manchester United, hefur talað vel um Bruno Fernandes sem kom til félagsins í janúar.
Fernandes hefur byrjað gríðarlega vel á Old Trafford og er mikilvægur í sóknarleik liðsins. Hann kom frá Sporting í byrjun árs.
,,Með Bruno þá sérðu að hann er fæddur sigurvegari, það er hægt að sjá það á æfingum,“ sagði McTominay.
,,Hann er alltaf tilbúinn að taka við boltanum og reyna lokasendinguna – við þurfum þessa sköpunargáfu.“
,,Ég get ekki hrósað honum nógu mikið fyrir þessa byrjun.“
