Alexander Nubel verður varamarkvörður Bayern Munchen á næstu leiktíð en hann kemur frá Schalke í sumar.
Þetta hefur Hansi Flick, stjóri liðsins, staðfest og er því á hreinu að Manuel Neuer mun áfram verja mark félagsins.
Talið var að Nubel væri að koma til að taka við af Neuer en þessi 23 ára gamli markvörður verður að bíða.
,,Það vita allir hvað mér finnst um Manuel. Hann er langbesti markvörður heims og ég efast ekki um það,“ sagði Flick.
,,Þess vegna kemur ekkert annað til greina hjá mér. Manuel mun leiða liðið, það gefur honum nauðsynlegt öryggi.“
,,Við erum með úthugsaða goggunnarröð markmanna og það verður eins á næsta ári.“
