Það er útlit fyrir að Pierre-Emerick Aubameyang sé ekki á förum frá Arsenal miðað við ummæli dagsins.
Aubameyang er reglulega orðaður við önnur félög en hann er helsta vopn enska liðsins í sókninni.
Aubameyang ræddi við heimasíðu Arsenal og segist sjálfur vera gríðarlega ánægður í herbúðum liðsins.
,,Það er mjög þýðingarmikið fyrir mig að spila hérna, þegar ég var ungur þá horfði ég alltaf á Arsenal sem var með frábæra leikmnenn og þeir unnu titla,“ sagði Aubameyang.
,,Það er mjög ánægjulegt að vera hérna. Ég er mjög ánægður, þannig er tilfinningin.“
