Miðjumaðurinn Tahith Chong er búinn að skrifa undir nýjan samning við Manchester United.
Framtíð leikmannsins hefur verið í umræðunni síðustu vikur en Juventus sýndi honum mikinn áhuga.
Chong er aðeins 20 ára gamall en samningur hans við United átti að renna út í sumar.
Það benti mikið til að Chong væri á förum en nú allt í einu er búið að tilkynna framlengingu.
Chong hefur spilað 10 leiki fyrir United á þessu tímabili og er enginn fastamaður.
