Burnley fékk Tottenham í heimsókn á laugardag í leik sem endaði með 1-1 jafntefli. Burnley komst yfir snemma leiks er Chris Wood kom boltanum í netið eftir 13 mínútur.
Snemma í seinni hálfleik fékk Tottenham svo vítaspyrnu er brotið var á Erik Lamela innan teigs. Dele Alli steig á punktinn og skoraði örugglega til að tryggja gestunum eitt stig.
Markið sem Alli skoraði var númer 50 í deildinni, hann hefur skorað mörkin 50 í 153 leikjum. Hann er aðeins 23 ára gamall.
Alli pakkar bestu miðjumönnum í enska boltanum saman, þannig var Frank Lampard 26 ára þegar hann skoraði sitt fimmtugasta mark og Steven Gerrard var ári eldri.
Aldur við 50 mörk:
23 – Dele Alli
26 – Frank Lampard
26 – David Beckham
27 – Paul Scholes
27 – Steven Gerrard
