Ole Gunnar Solskjær, stjóri Manchester United, var stoltur af sínum mönnum eftir sigur á grönnunum í City í dag.

City mætti til leiks á Old Trafford og tapaði 2-0. Þetta var í þriðja sinn sem Solskjær hefur betur gegn Pep Guardiola á tímabilinu.

,,Ég er ekki búinn að vinna Pep þrisvar sinnum, það voru leikmennirnir. Ég hef trú á minni getu að geta bætt liðið,“ sagði Solskjær.

,,Við höfum haldið hreinu í átta af tíu leikjum og þessi tvö mörk sem við fengum á okkur – eitt af þeim átti ekki að standa. VAR átti að vera þarna í Evrópudeildinni og svo vitum við með David de Gea.“

,,Við hefðum átt að gera þetta gegn Liverpool. Þú heldur að þetta sé ekki að fara að gerast þegar þú klikkar á færum til að skora 2-0. Auðvitað er frábært að ná því seinna.“

,,Vítið á Fred? Þetta var víti, klárt víti. Þeir skoðuðu þetta víst. Við sjáum hlutina öðruvísi.“