Antonio Rudiger, leikmaður Chelsea, hefur opnað sig um kynþáttaníð sem hann varð fyrir þann 22. desember.
Stuðningsmenn Tottenham voru með kynþáttaníð í garð Rudiger en það mátti heyra apahljóð úr stúkunni.
,,Ég spyr mig: ‘Hvernig er það hægt að enginn af þessum 60 þúsund áhorfendum hafi áttað sig á því sem var í gangi?’ sagði Rudiger.
,,Ég stend hérna og er ásakaður um lygar. Það er eins og ég eigi að halda kjafti. Ég mun ekki gera það.“
,,Mér leið ekki eins og manneskju heldur dýri. Mér leið eins og apa. Ef þú hefur ekki upplifað þessa stöðu þá er ekki hægt að ímynda sér það. Ég var svo einmanna gegn Tottenham.“
