Martin Braithwaite, leikmaður Barcelona, er ekki á förum frá félaginu í bráð að eigin sögn.
Braithwaite kom nýlega til Barcelona frá Leganes og fékk fjögurra og hálfs árs samning á Nou Camp.
,,Ég er kominn hingað til að vera í mörg ár. Fólk er með sínar skoðanir,“ sagði Braithwaite.
,,Ég hef bara heyrt jákvæða hluti en ef það er skoðun fólks þá verða þeir hissa þegar ég verð hér að spila í Meistaradeildinni á næstu leiktíð.“
,,Það er skemmtilegt markmið sem ég get skrifað niður til að koma fólki á óvart – ég verð hérna í mörg ár.“
