Það eru nokkrar stjörnur í ensku úrvalsdeildinni sem leita sér hjálpar í dag vegna tölvuleiksins Fortnite.

Fortnite hefur undanfarin ár tröllriðið tölvuleikjaheiminum og er einn allra vinsælasti leikur heims.

Einn leikmaður í úrvalsdeildinni opnaði sig um tölvuleikjafíknina á síðasta ári en hann fór að sofa klukkan fjögur um nótt og mætti á æfingu tveimur klukkutímum seinna.

Maðurinn kom fram nafnlaus en nú eru fleiri leikmenn að leita sér aðstoðar vegna leiksins.

Leikmenn á borð við Harry Kane, Mesut Özil og Dele Alli eru á meðal þeirra sem spila leikinn eða hafa gert í gegnum tíðina.