Það verða engir áhorfendur í ítölsku úrvalsdeildinni næsta mánuðinn vegna kóróna veirunnar.
Þetta var staðfest í kvöld en veiran hefur greinst á ýmsum stöðum í landinu og eru fleiri smit að finnast á hverjum degi.
Það er því búið að ákveða að það verði leikið fyrir luktum dyrum þar til 4. apríl næstkomandi.
Búið er að fresta þónokkrum leikjum vegna útbreiðslu veirunnar en vonast er til að leikir hefjist að nýju um helgina.
