Wayne Rooney, leikmaður Derby, segir að leikmenn liðsins hafi fagnað drættinum í enska bikarnum fyrr á þessu ári.

Rooney gekk í raðir Derby í janúar en hann er fyrrum fyrirliði Manchester United og lék þar við góðan orðstír.

Rooney fær tækifæri á að mæta United á morgun er liðið kemur í heimsókn á Pride Park í bikarnum.

,,Ég get ekki beðið eftir þessu. Augljóslega var Manchester United eina liðið sem ég vildi fá,“ sagði Rooney.

,,Við vorum á leiðinni á hótelið í leik þegar drátturinn átti sér stað og það var fagnað þegar nafn United kom upp.“

,,Þetta er frábær dráttur fyrir okkur, fyrir United að koma á okkar völl og það er frábært fyrir stuðningsmennina.“