Steve Bruce, stjóri Newcastle, skaut fast á blaðamann í gær eftir leik við West Brom í bikarnum.

Blaðamaður spurði þá Bruce út í ‘rifrildi’ við vængmanninn Allan Saint-Maximin en talað var um að samband þeirra væri ekki gott eftir æfingu á mánudag.

Saint-Maximin byrjaði í 3-2 sigri Newcastle í gær en Daily Mail birti grein um að hann og Bruce hefðu lent í orðastríði á æfingu fyrir leikinn.

,,Þetta eru bara lygar og kjaftæði. Ég er ánægður með að þinn heimildarmaður hafi rangt fyrir sér. Ertu að kalla mig lygara?“ sagði Bruce.

,,Það sem þú ert að birta er rangt. Það voru engin rifrildi við Saint-Maximin – rangt.“