Jurgen Klopp, stjóri Liverpool, hélt geggjaða ræðu á blaðamannafundi í gær.
Klopp var þar spurður út í kóróna veiruna og hans skoðun á því sem þyrfti að gera til að forðast smit.
Klopp minnti blaðamann þá á að hann væri knattspyrnustjóri og hefði ekki hundsvit á þessum veikindum.
,,Það sem mér líkar ekki við í lífinu er að þegar kemur að einhverju mjög alvarlegu þá skiptir skoðun knattspyrnustjóra máli,“ sagði Klopp.
,,Ég skil það ekki. Ef þú spyrð þennan þarna þá er hann í sömu stöðu og ég. Það skiptir engu máli hvað frægt fólk segir.“
,,Við þurfum að tala um hlutina á réttan hátt, ekki fólk með ekkert vit á þessu eins og ég. Fólk sem þekkir þetta getur skipað öðrum fyrir, ekki knattspyrnustjórar.
,,Pólitík, Kórónaveiran, af hverju ég? Ég er með derhúfu og er illa rakaður.“
Klopp 🙏🏻 pic.twitter.com/edI1bsNVvW
— Tactipedia (@tactipedia) 4 March 2020
