Paul Pogba, miðjumaður Manchester United byrjar að æfa aftur með liðinu í næstu viku. Óvíst er hins vegar hvenær hann verður leikfær.
Pogba hefur ekki spilað á þessu ári, hann valdi sjálfur að fara í aðgerð á ökkla og hefur verið frá lengur en búist var við.
Pogba hefur lítið sem ekkert spilað á þessu tímabili en hann vill ólmur fara frá félaginu í sumar.
,,Pogba er að æfa með sjúkraþjálfara á grasi, hann æfir með aðalliðinu í næstu viku,“ sagði Ole Gunnar Solskjær.
,,Sjáum svo hvað það tekur langan tíma að gera hann kláran í leik, hann þarf tíma til að komast í leikform.“
