Jurgen Klopp, stjóri Liverpool, hefur skotið á þá sem hafa gagnrýnt varnarmanninn Dejan Lovren.
Það voru margir sem kenndu Lovren um tap Liverpool gegn Watford um helgina en hann átti ekki sinn besta leik.
,,Ef allir eru að kenna Lovren um þetta tap þá get ég ekki hjálpað þeim. Það er ekki sanngjarnt,“ sagði Klopp.
,,Ég tala oft við fólk sem veit minna um fótbolta en ég, það er í lagi þar sem ég fæ vel borgað fyrir að vera þjálfari.“
,,Það eru svo margir hafsentar sem eiga í erfiðleikum með Troy Deeney. Joe Gomez var í eins vandræðum.“
