Heiðar Helguson er nafn sem flestir landsmenn ættu að kannast við en hann er fyrrum landsliðsmaður í knattspyrnu.
Heiðar náði góðum árangri sem atvinnumaður en hann lék lengst með Watford á ferlinum.
Hann kom þó einnig við sögu hjá félögum eins og Fulham og Bolton en endaði ferilinn hjá Cardiff árið 2013.
Árið 2006 var Heiðar nýbúinn að skrifa undir samning við Fulham og spilaði þar undir stjórn Chris Coleman.
Heiðar fékk þá verkefni frá miðlinum Fótbolti.net og svaraði spurningum lesenda síðunnar.
Það er ansi athyglisvert að skoða spurningarnar og þá sérstaklega hverjir höfðu áhuga á að fá svar frá Heiðari.
Á meðal þeirra eru þeir Hjörtur Hermannsson, leikmaður Brondby og Jón Daði Böðvarsson, leikmaður Millwall.
Eins og flestir vita þá er um að ræða tvo landsliðsmenn í dag en fyrir 14 árum síðan fengu þeir að spyrja þáverandi landsliðsmann spurninga.
Hjörtur var aðeins 11 ára gamall og Jón Daði 13 ára en eins og sjá má á spurningunum þá höfðu þeir áhuga á að vita aðeins meira um atvinnumannalífið.
Hér má sjá spurningarnar.
Hjörtur Hermansson, 11 ára, Reykjavík – Hvað er það sem gerir mann að góðum fótbolta manni?
Svar Heiðars: Hugarfar, vinna vel og nenna að æfa.
———————–
Jón Daði Böðvarsson, 13 ára, Selfoss – Hvernig var tilfiningin þegar þér var boðið að fara til enska liðsins Fulham?
Svar Heiðars: Mjög góð. Þetta var eitthvað sem mig var búið að dreyma um.
Mjög heiðarlegt að sjá tvo framtíðar landsliðsmenn senda inn spurningar í AMA @Fotboltinet með Heiðari Helgu árið 2006 https://t.co/z2Meco32wg
— Kristinn Teitsson (@kristinnpall) 1 March 2020
