Manchester United vinnur nú hörðum höndum að því að ganga frá kaupum á Jadon Sancho í sumar. Telegraph fjallar um málið.
Þar segir að United sé að vinna í málinu þessa dagana og að lítið mál verði að semja við Sancho, takist að ná samkomulagi við Borussia Dortmund.
Telegraph segir að Sancho verði dýrasti leikmaður í sögu enska boltans, takist United að fá 19 ára kantmanninn til sín.
Manchester City getur jafnað öll tilboð sem Dortmund samþykir en Telegrah segir að Sancho vilji ekki fara til City, þar sem hann ólst upp.
Telegraph segir að Liverpool hafi áhuga á Sancho en að eitthvað ótrúlegt þurfi að gerast svo hann velji ekki United, kjósi hann að koma heim til Englands. PSG og Barcelona horfa einnig til hans. Hann hefur skorað 14 mörk og lagt upp 14 í þýsku úrvalsdeildinni í vetur.
