Sergio Aguero, leikmaður Manchester City, hefur róað stuðningsmenn liðsins eftir leik við Aston Villa í gær.
Aguero skoraði fyrra mark liðsins í 2-1 sigri en hann haltraði svo af velli í síðari hálfleik.
Aguero segist þó ekki vera meiddur og ætti að ná næsta leik liðsins miðað við ummælin.
,,Það er allt í lagi með mig ég fékk bara smá högg á hnéð. Það er allt í góðu,“ sagði Aguero.
,,Markið var mikilvægt þegar liðið er að vinna. Ég er svo ánægður því við fórum alla leið og unnum bikarinn.“
