Chelsea á Englandi hefur ákveðið að senda framherjann öfluga Tammy Abraham til Spánar.
Abraham mun þar hitta sérfræðinga vegna ökklameiðsla en hann hefur verið frá töluvert á þessu tímabili.
Abraham hefur verið að glíma við meiðsli síðan í janúar en náði leik nýlega á verkjalyfjum.
Það er hins vegar ekki hægt að halda því gangandi og þarf enski landsliðsmaðurinn að fá frekari hjálp.
Abraham er farinn til Barcelona og mun fá ráð frá sérfræðingum áður en ákveðið verður um framhaldið.
Hann ætti ekki að ná leiknum gegn Liverpool í bikarnum í vikunni.
