Óvæntustu úrslit tímabilsins í ensku úrvalsdeildinni áttu sér stað í kvöld er Liverpool heimsótti Watford.
Liverpool hefur verið óstöðvandi á tímabilinu og var fyrir leikinn með 22 stiga forskot á toppnum.
Liðið hafði ekki tapað leik í 28 umferðum en gerði eitt jafntefli gegn Manchester United.
Fyrsta tap liðsins kom þó í kvöld en Watford gerði sér lítið fyrir og vann 3-0 sannfærandi heimasigur.
Nigel Pearson er stjóri Watford en hann er fyrsti Englendingurinn til að vinna Liverpool í þrjú ár.
Sá síðasti var Sam Allardyce en hann vann Liverpool með Crystal Palace í apríl árið 2017.
