Frank Lampard, stjóri Chelsea, sá sína menn gera 2-2 jafntefli við Bournemouth á útivelli í dag.
Chelsea fékk færi til að skora fleiri mörk en bæði mörkin komu frá varnarmanninum Marcos Alonso.
,,Við bjuggumst við baráttu í dag og þetta var erfiður leikur sem við áttum þó að vinna, við vorum mikið með boltann og fengum færi,“ sagði Lampard.
,,Karakter liðsins var frábær, þetta var ekki vegna þess að þeir reyndu ekki en við þurfum fleiri mörk.“
,,Marcos Alonso átti stóra viku en ég vil ekki að vinstri bakvörðurinn sé markahæstur. Ég vil að sóknarmennirnir skori mörk en þeir gera það ekki.“
