Samúel Kári Friðjónsson fékk tækifæri í byrjunarliði Paderborn í dag í þýsku úrvalsdeildinni.
Samúel hefur verið hjá Paderborn í stuttan tíma en hann kom til félagsins frá Valerenga í janúar.
Liðið spilaði við Mainz í úrvalsdeildinni í dag og fékk Samúel að spila allar mínúturnar.
Því miður fyrir landsliðsmanninn var tap niðurstaðan en Mainz hafði betur 2-0 á sínum heimavelli.
Í B-deildinni var Guðlaugur Victor Pálsson þó í sigurliði en Darmstadt vann þá 2-0 útisigur á Heidenheim og lagði Guðlaugur upp eitt markanna.
