Perry Groves, fyrrum leikmaður Arsenal, segir félaginu að losa sig við allt að níu leikmenn næsta sumar.

Arsenal er úr leik í Evrópudeildinni eftir 2-1 tap heima gegn Olympiakos í framlengdum leik á fimmtudag.

Groves telur að níu leikmenn henti ekki liðinu og að Mikel Arteta þurfi að hreinsa til.

,,Hann þarf að losa sig við leikmenn. Ég hélt að það yrði fimm eða sex en ég horfi á allt að níu leikmenn,“ Groves.

,,Þetta snýst ekki alltaf um gæði eða að þeir séu ekki nígu góðir. David Luiz, Shkodran Mustafi, Sokratis, Dani Ceballos, sem er á förum hvort sem er, Mesut Özil, Granit Xhaka, Calum Chambers, Mohamed Elneny og Henrikh Mkhitaryan.“

,,Elneny og Mkhitaryan eru á láni en hann þarf á þeim að halda núna. Hann þarf fleiri leikmenn. Þeir eiga þó enga framtíð þarna til lengdar.“