Aron Sigurðarson var á skotskónum fyrir lið St. Gilloise í kvöld sem mætti Westerlo í Belgíu.
Um var að ræða leik í belgísku B-deildinni en Aron spilaði allan leikinn og skoraði annað mark St. Gilloise í 3-1 sigri.
Þetta var virkilega góður sigur hjá St. Gilloise en Westerlo er á toppi deildarinnar.
Kolbeinn Þórðarson var í byrjunarliði Lommel sem mætti KV Roeselare á sama tíma. Þeim leik lauk með markalausu jafntefli.