Eden Hazard, leikmaður Real Madrid, elskar að borða skyndibita en frá þessu greinir markmaðurinn Marcin Bulka.
Bulka þekkir vel til Hazard en þeir voru saman hjá Chelsea en fóru báðir síðastliðið sumar.
Bulka samdi við Paris Saint-Germain en Hazard við Real Madrid þar sem meiðsli hafa sett strik í reikninginn.
,,Hazard elskar hamborgara og pítsu. Ég var alltaf að sjá hann á pítsastöðum,“ sagði Bulka.
,,Honum er sama um allt nema fótbolta og að skemmta sér. Hjá Chelsea var það ekki vesen en hann missti sig örugglega aðeins hjá Real vegna meiðslanna.“
