Jurgen Klopp, stjóri Liverpool, á erfitt með að trúa því að liðið sé búið að jafna met Manchester City.
Liverpool vann West Ham 3-2 í kvöld og er nú búið að vinna 18 leiki í röð sem City gerði undir Pep Guardiola.
,,Það er margt sem ég get nefnt sem hefði getað farið betur. Að ná svona mörgum sigrum, þú getur ekki alltaf verið eins frábær. Ég er ánægður með hvernig við vorum alltaf inn í leiknum,“ sagði Klopp.
,,Þegar Manchester City gerði það [vann 18 í röð] þá hélt ég að það met yrði aldrei jafnað en við náðum því. Ég trúi því varla.“
,,Allt hjálpaði til í kvöld. Þegar við fengum á okkur jöfnunarmarkið þá fór Anfield af stað, það gerir völlinn svo sérstakan.“
