Olivier Giroud, leikmaður Chelsea, fór ekki að grenja þegar félagaskipti hans annað gengu ekki upp í janúar.
Þetta segir Antonio Rudiger, liðsfélagi Giroud, en Frakkinn reyndi að komast burt og hefur takmarkað fengið að spila á tímabilinu.
,,Ég ber mikla virðingu fyrir honum. Hann hefur alltaf verið þolinmóður og sagði aldrei neitt,“ sagði Rudiger.
,,Jafnvel þegar að félagaskipti hans gengu ekki upp þá var hann auðmjúkur og lagði sitt hart fram.“
,,Þetta snýst ekki bara um mörkin – hann er alltaf að leggja sitt af mörkum og þess vegna er ég ánægður.“
