Casemiro, leikmaður Real Madrid, hætti við ferð í Disneyland með fjölskyldu sinni í sumar.

Það er ákvörðun sem Casemiro tók eftir að hafa séð Real tapa 7-3 gegn Atletico Madrid í æfingaleik.

Brassinn hafði lofað dóttur sinni ferð í skemmtigarðinn en hann ákvað því miður fyrir hana að hætta við og mæta á æfingar á ný.

,,Ég sá liðið tapa 7-3 gegn Atletico Madrid á undirbúningstímabilinu og tók þá ákvörðun að ég gæti ekki haldið áfram í sumarfríi og hætti við að fara í Disneyland,“ sagði Casemiro.

,,Ég sagði dóttur minni að það væru vandræði í vinnunni hjá pabba og að ég þyrfti að hætta við fríið. Þess vegna sneri ég heim fyrr áætlað var.“