Roberto Firmino, leikmaður Liverpool, var í hörmulegu líkamlegu ástandi er hann samdi við Hoffenheim árið 2011.
Frá þessu greinir Ernst Tanner, yfirmaður íþróttamála Hoffenheim, en félagið keypti Firmino frá Figuereinse í Brasilíu fyrir níu árum síðan.
,,Þið hefðuð átt að sjá tölurnar sem við fengum í hendurnar fyrst er hann kom til Hoffenheim,“ sagði Tanner.
,,Í Þýskalandi þá prófum við yfirleitt þol og blóðið og niðurstöðurnar eru yfirleitt mjög nákvæmar.“
,,Til að undirstrika hvernig þetta var þá voru tölurnar hans verri en hjá ömmu minni. Þið getið ekki ímyndað ykkur.“
,,Tölurnar voru svo lágar að það væri ekki hægt að trúa því að hann væri atvinnumaður í knattspyrnu.“
