Lionel Messi er ekki á förum frá Barcelona á næstunni en hann greinir sjálfur frá því í nýju viðtali.

Það andar köldu á milli stjórnar Barcelona og Messi þessa stundina og er hann orðaður við brottför.

Önnur félög hafa reynt að fá Messi í gegnum tíðina en hann hefur bara áhuga á Barcelona.

,,Ég hef sagt það margoft að mín hugmynd sé að vera hér eins lengi og félagið vill, það verða engin vandamál,“ sagði Messi.

,,Ég vil vinna Meistaradeildina aftur og ég vil halda áfram að vinna deildina, það er mitt markmið.“

,,Ég hef alltaf haft það sem möguleika að fara og mörg félög voru tilbúin að borga kaupákvæðið. Það hefur þó aldrei hvarflað að mér og ekki í dag heldur.“