Jurgen Klopp, stjóri Liverpool, hefur óvænt komið Manchester United til varnar eftir félagaskipti Erling Haaland til Dortmund í janúar.
United reyndi að fá Haaland í sínar raðir frá RB Salzburg en hann ákvað að lokum að velja Dortmund.
Klopp segir að ekkert annað lið hafi í raun átt möguleika á að semja við norska landsliðsmanninn.
,,Það eru allir að kenna Manchester United um fyrir að hafa ekki fengið hann en við hefðum ekki getað fengið hann heldur,“ sagði Klopp.
,,Við hefðum ekki getað það, svo einfalt er það. Hann vildi semja við topplið sem fyrst með opið pláss… Borussia Dortmund.“
,,Þetta er tímasetningin. Enginn annar átti möguleika, ég er viss um það sama hvað þeir segja.“